the silent syntax

~ความมิดที่เว้าเป็นลหัส~

Posts en aragonés/benasqués

18
May
11:59PM
2025

Día 128

(Iste post ye disponible en: benasqués, cheso, semontanés.)
Anit ve dormir fatal.
Hue he entrenau pierna dan Á., y dimpués hem iu a disnar a un bar que i hei ací a’l costau. 17,50€ per un menú, y 14,50€ pe’l puto mich menú. Amés, la lasanya yebe de súper, y el chelau, de marca blanca. L’Aquarius tamé: Aquarade. No te fote, ye coma demanar una Coca-cola y que te pòrten una Pepsi…
Á. m’ha preguntau si sabeba per qué le caigo mal a la chent, y que sigo «Un zagal normal. Un zagal dan autismo, pero normal».
De tardis, he treballau y he estudiau una mica de luo.
Hue tanquem un ciclo, ya que a partir de demá Á. ya no ha d’amenister la mía invitación t’entrenar.
(Iste post ye disponible en: benasqués, cheso, semontanés.)
Anueit, dormí fatal.
Hoi he entrenau garra con Á., y lugo hemos iu a chintar en un bar que bi ha aquí a’l costau. 17,50€ por un menú, y 14,50€ por lo puto medio menú. Amás, la lasanya yera de súper, y lo chelau, de marca blanca. L’Aquarius tamién: Aquarade. Hai que florer-se, ye como pedir una Coca-Cola y que te traigan una Pepsi…
De tardis, he triballau y he estudiau una mica de luo.
Hoi zarramos un ciclo, ya que a partir de mañana Á. ya no ha a menester la mía invitación pa entrenar.
Á. m’ha preguntau si sabeba por qué li caigo mal a la chent, y que so «Un zagal normal. Un zagal con autismo, pero normal».
(Iste post ye disponible en: benasqués, cheso, semontanés.)
Anoche dormí fatal.
Hoi he entrenau garra con Á., y lugo himos iu a comer en un bar que hai aquí a ro costau. 17,50€ por un menú, y 14,50€ por o puto medio menú. Amás, a lasanya yera de súper, y o chelau, de marca blanca. L’Aquarius tamién: Aquarade. Hai que florer-se, ye como pedir una Coca-Cola y que te traigan una Pepsi…
De tardes, he trebajau y he estudiau una miaja de luo.
Hoi zarramos un ciclo, ya que a partir de mañana Á. ya no necesita la mía invitación pa entrenar.
Á. m’ha preguntau si sabeba por qué le caigo mal a la chent, y que soi «Un zagal normal. Un zagal con autismo, pero normal».

09
Feb
08:41PM
2025

Día 30

(Iste post ye disponible en: benasqués, cheso, semontanés.)
Anit ve dormir fatal. Me ve despertar unes cuantes vegades y per això m’arrecordo de moltos suenios:

  • Suenio 1: yeba a Filipines, pero no sé dan quí. Només m’arrecordo que yebe fin de semana y ve minchar un puyal de chicolate.
  • Suenio 2: alguno va entrar en mi cuarto, pero no podeba vere qui yebe perque no portaba els antiojos.
  • Suenio 3: el mío ex yebe a un escusau público y yo le podeba vere dende la gabina de’l costau mentre ell feba còses dan altros.
  • Suenio 4: viviba dan la mía yaya. Á. va pasar per casa nuestra ta que anasan a prenre algo. Yebe el día antes de que encomenzase a treballar y le ve regalar un Milka dan galleta LU de’ls que tanto le fa gòi dind que yebe el «chicolate de la sòrt».
  • Suenio 5: yeba a’l chimnasio mentre charraba per chat dan M., un companyero de la uni.

A’l chimnasio la còsa tapòc no me va anar molt bé. A la hora de fer peso muerto rumano, me ve embolicar moltismo calculand el peso que teniba que posar en la barra. De tardis, ve quedar dan Á. y As. ta penre algo. Ve invitar a Á., que está mes tieso que un palo. Dimpués, Á. y yo ven dar una vuelta y le ve donar el «chicolate de la sòrt» y el ven minchar mentre caminaban. Camino cara ta casa, me ve penre un kebab ta sopar.
No pòrto brenca bé els cambios, y ara que Á. escomence a treballar una altra vegada, me febe por que deixasan d’entrenar chuntos, pero si la còsa va coma hem charrau, crego que no me’n he de preocupar.

(Iste post ye disponible en: benasqués, cheso, semontanés.)
Hoi dormí fatal. M’esperté unas cuantas veces y por ixo remero muitos suenios:

  • Suenio 1: yera en Filipinas, pero no sé con quí. Solo remero que yera cabo de semana y minché chocolate a muntón.
  • Suenio 2: beluno dentró en la mía habitación, pero no podeba vier qui yera porque no portaba las antiparras.
  • Suenio 3: lo mío ex yera en un banyo público y yo li podeba vier dende la cabina de lo costau mientras él feba cosas con otros.
  • Suenio 4: viviba con la mía yaya. Á. pasó por casa nuestra pa que fuésenos a tomar algo. Yera lo día antis de qu’él empecipiase a triballar y li regalé un Milka con galleta LU de los que tanto li cuacan dicindo que yera lo «chocolate de la suerte».
  • Suenio 5: yera en el chimnasio mientras charraba por chat con M., un companyero de la uni.

En lo chimnasio la cosa tampoco me fue muit bien. A la hora de fer peso muerto rumano, m’aturrullé muitìsmo calculando el peso que heba a meter en la barra. De tardis, quedé con Á. y As. pa tomar algo. Invité a Á., que está más tieso que un palo. Dimpués, Á. y yo diemos una vuelta y li dié el «chocolate de la suerte» y lo minchemos mientras caminábamos. Camino enta casa, me pillé un kebab pa cenar.
No levo pon bien los cambios, y agora que Á. empecipia a tribalhar otra vez, me daba miedo que deixásenos d’entrenar chuntos, pero si la cosa va como hemos charrau, creigo que no me’n he a preocupar.

(Iste post ye disponible en: benasqués, cheso, semontanés.)
Hoi dormí fatal. Me desperté unas cuantas veces y por ixo m’alcuerdo de muitos suenios:

  • Suenio 1: yera en Filipinas, pero no sé con quién. Nomás m’alcuerdo que yera fin de semana y minché chicolate con engrucia.
  • Suenio 2: alguno entró n’o mío cuarto, pero no podeba vier quién yera porque no portaba las antiparras.
  • Suenio 3: o mío ex yera en un banyo público y yo le podeba vier dende la cabina d’a lau entretanto qu’er feba cosas con otros.
  • Suenio 4: viviba con a mía agüela. Á. pasó por casa nuestra pa que fuésenos a tomar algo. Yera ro día antis de qu’er empecipiase a treballar y le regalé un Milka con galleta LU d’os que tanto li cuacan diciendo que yera lo «chicolate de la suerte».
  • Suenio 5: yera en el chimnasio entretanto que charraba por chat con M., un companyero de la uni.

N’o chimnasio la cosa tampoco me fue mu bien. A la hora de fer peso muerto rumano, me trafuqué muitìsmo calculando el peso que teneba que meter n’a barra. De tardes, quedé con Á. y As. pa tomar algo. Invité a Á., que está más tieso que un palo. Dispués, Á. y yo diemos una guelta y le dié el «chicolate de la suerte» y ro minchenos entretanto que caminabanos. Camino cara enta casa, me cogié un kebab pa cenar.
No llevo miaja bien os cambios, y aora que Á. empecipia a trebajar otra vez, me feba miedo que dejasenos d’entrenar chuntos, pero si la cosa va como himos charrau, creigo que no me’n he de preocupar.

08
Feb
10:23PM
2025

Día 29

(Iste post ye disponible en: benasqués, cheso, semontanés.)
No ve dormir brenca bé, talmente a causa de la melatonina. Siento que duermo pior cuan me la prengo. A’l chimnasio no me sentiba dan gaire enerchia.
De tardis, a l’actividat d’ocio vem anar ta’l planetari. Dimpués, ve sopar dan DD. a’l KFC. Cara ta casa, ve pasar pe’l Carrefour y i ve trobar bolses de basuera de 5 litros. A’l Dia y a’l Ahorramas no’n tienen pas.
Casa del Libro son uns mentirosos. A sovent te fan esperar semanes y te dicen que van demanar el llibre a l’editorial y ye acotolau, pero mires a’l puesto web de l’editorial y el llibre ye disponible.
(Iste post ye disponible en: benasqués, cheso, semontanés.)
No dormí pon bien, alcaso por causa de la melatonina. Siento que duermo pior cuan me la tomo. En lo chimnasio no me sintiba con muita enerchía.
De tardis, en l’actividat d’ocio fuemos ta lo planetario. Dimpués, cené con DD. en el KFC. Camino enta casa, pasé por lo Carrefour y bi trobé bolsas de basura de 5 litros. En lo Dia y en l’Ahorramas no’n tienen.
Casa del Libro son unos mintideros. A ormino te fan esperar semanas y te dicen que demanderon lo libro a l’editorial y ye acotolau, pero miras en lo puesto web de l’editorial y lo libro ye disponible.
(Iste post ye disponible en: benasqués, cheso, semontanés.)
No dormí miaja bien, a lo mejor a causa d’a melatonina. Siento que duermo pior cuan me la tomo. N’o chimnasio no me sentiba con mucha enerchía.
De tardes, en l’actividat d’ocio fuemos ta’o planetario. Dimpués, cené con DD. n’o KFC. Camino de cara ta casa, pasé por o Carrefour y alcontré bolsas de basuera de 5 litros. N’o Dia y en l’Ahorramas no’n tienen.
Casa del Libro son unos embusteros. A ormino te fan esperar semanas y te dicen que demandón o libro a l’editorial y está acotolau, pero miras n’o puesto web de l’editorial y ro libro ye disponible.

07
Feb
05:51PM
2025

Día 28

(Iste post ye disponible en: benasqués, cheso, semontanés.)
Iste maitino ve anar a Correos a retornar les llums. Ve estar la primera vegada que me va atenre una latina. A Chapón, cada vegada que m’escunsaba un latino, sentiba algo especial perque yeban poquetz, pero ací ya no me fa especial illusión. Si fa u no fa tres hores mes tardi ya teniba els cuartos en la mía cuenta y ve tornar a comprar les llums d’un altro venedor. Una mica mes cares, pero istes pareixen millors.
Heba quedau dan Á. t’entrenar a les 10:30, pero se va quedar dormiu. Coma no heba dormiu guaire ben, ve tornar a dormir, y ven anar mes tardi ta’l chimnasio. Hue tocabe pierna, pero coma ni a yo ni a ell mos apetecebe, ven acabar fend bíceps, tríceps y moscllo, y a la fi una miqueta de jiu-jitsu. Antes de sallre de casa no heba visto que donaben plloveda ta hue, encara que el cielo yebe nublau. Ve arribar ta casa banyau. Ve fer belles flexións ta acabar y me ve duchar.
Anit, me ve posar a llechir sobre el panticuto. Per lo menos ara estoi que ve poder convencer-me de la inviabilidat d’aprenre altros dialectos.
(Iste post ye disponible en: benasqués, cheso, semontanés.)
Esta mañana fue a Correos a retornar las luces. Fue la primera vez que m’atendié una latina. En Chapón, cada vez que topaba con un latino, sintiba algo especial porque yéranos poquetz, pero aquí ya no me fa especial ilusión. Masmenos tres horas mas tardi ya heba las perras en la mía cuenta y torné a comprar las luces d’un otro vendedor. Una mica mas caras, pero estas parecen millors.
Heba quedau con Á. pa entrenar a las 10:30, pero se quedó dormiu. Como no heba dormiu muit bien, torné a dormir, y fuemos mas tardi ta’l chimnasio. Hoi tocaba garra, pero como ni a yo ni a él nos aganaba, acabemos fendo bíceps, tríceps y huembro, y a’l fin una miqueta de jiu-jitsu. Antis de salir de casa no heba visto que daban plevida pa hoi, anque lo cielo yera nublo. Plegué ta casa chupizo. Facié bellas flexións pa rematar y me duché.
Anueit, me metié a lier sobre lo panticuto. A lo menos agora creo que me podié convencer de la inviabilidat d’aprender otras fablas.
(Iste post ye disponible en: benasqués, cheso, semontanés.)
Esta mañana fue a Correos a degolver las luces. Fue ra primera vez que m’atendió una latina. En Chapón, cada vez que alcontraba a un latino, sentiba algo especial porque yéranos poquetz, pero aquí ya no me fa especial olusión. Bien-bien tres horas mas tardi ya habeba ros dineros n’a mía cuenta y golví a comprar las luces d’un otro vendedor. Una miaja mas caras, pero estas parecen mejores.
Habeba quedau con Á. pa entrenar a ras 10:30, pero se quedó dormiu. Como no habeba dormiu muit bien, golvié a dormir, y fuemos mas tardi t’o chimnasio. Hoi tocaba garra, pero como ni a yo ni a er nos apeteceba, acabemos fendo bíceps, tríceps y huembro, y a’l fin una miajeta de jiu-jitsu. Antis de salir de casa no habeba visto que daban plevia pa hoi, anque ro cielo estaba nuble. Llegué ta casa chipiau. Facié bellas flexións pa rematar y me duché.
Anoche, me metié a lier sobre ro panticuto. Lo menos aora estoi en que me podié convencer de la inviabilidat d’aprender otras fablas.

06
Feb
09:43PM
2025

Día 27

(Iste post ye disponible en: benasqués, cheso, semontanés.)
Una de les còses dolentes d’estar autista son les obsessións. Ara fa tantòs un mes dende que ve decidir de recuperar el mío aragonés, y mes d’una vegada me va vinre a la cabeza la idea de intentar aprenre un 4.º dialecto, pero tiengo que mirar de controlar-me. Pròu en tiengo dan 3… Me cal tamé encomenzar a llechir la gramática de l’EFA.
Coma trobaba que les llums de casa son massa fòrts, me ve comprar unes llums USB, pero resulte que me n’han nenviau de les que van dan piles. Per un regular no suelgo tinre problemes comprand de China, pero ara i hei que retornar-les y ye una mica cansau.
Hue va ser un día normal: només ve anar ta’l chimnasio y treballar.
(Iste post ye disponible en: benasqués, cheso, semontanés.)
Una de las cosas malas d’estar autista son las obsessións. Agora fa cuasi un mes dende que decidié recuperar lo mío aragonés, y mas d’una vez me voló por lo tozuelo la idea de intentar aprender una 4.ª fabla, pero he a mirar de controlar-me. Pro n’he con 3… He tamién a empecipiar a lier la gramática de l’EFA.
Como me pareceba que las luces de casa son masiau fuertes, me compré unas luces USB, pero resulta que me’n han inviau de las que van con pilas. Cheneralment no suelo tener problemas comprando de China, pero agora bi ha que retornar-las y ye una mica canso.
Hoi fue un día normal: solo fue ta lo chimnasio y triballé.
(Iste post ye disponible en: benasqués, cheso, semontanés.)
Una de ras cosas malas de ser autista son as obsessións. Agora fa cuasi un mes dende que decidié recuperar o mío aragonés, y mas d’una vez me dondió por a tozolera la idea de prebar d’aprender una 4.ª fabla, pero tiengo que mirar de controlar-me. Prou en tiengo con 3… Tiengo tamién que empecipiar a lier la gramática de l’EFA.
Con que me paeceba que las luces de casa son demasiau fuertes, me compré luces USB, pero resulta que me’n han imbiau de las que van con pilas. Por un regular no acostumo a tener problemas comprando de China, pero aora hai que degolver-las y ye una miaja cansau.
Hoi fue un día normal: namás fue t’o chimnasio y trebajé.

05
Feb
04:24PM
2025

Día 26

(Iste post ye disponible en: benasqués, cheso, semontanés.)
Ya escomence a fer caloreta y puedo anar en manga curta, pero cal posar-se crema solar.
Hue de maitino va vinre la casera a cobrar l’alquiler. Tamé ve entrenar dan Á., pero se’n va tinre que anar pronto perque el suyo amigo As. le va dir de disnar.
Á. escomence a treballar una altra vegada el lluns. Ell diu que porem seguir entrenand coma siempre, pero m’estimo mes no fer-me illusións y ya será coma tienga que estar.
Pus res, a treballar…
(Iste post ye disponible en: benasqués, cheso, semontanés.)
Ya empecipia a fer caloreta y puedo ir en manga curta, pero cal itar-se crema solar.
Hoi de mañanas venié la casera a cobrar l’alquiler. Tamién entrené con Á., pero se’n habié que ir pronto porque lo suyo amigo As. li dicié de chintar.
Á. empecipia a triballar otra vez lo lunes. Él dice que podremos seguir entrenando como siempre, pero prefiero no fer-me ilusións y será como haya d’estar.
Pos cosa, a triballar…
(Iste post ye disponible en: benasqués, cheso, semontanés.)
Ya empecipia a fer caloreta y puedo ir en media manga, pero hai que echar-se crema solar.
Hoi de mañanas vino ra casera a cobrar l’arquiler. Tamién entrené con Á., pero se’n hubo que ir pronto porque ro suyo amigo As. le dijió de comer.
Á. empecipia a trebajar otra vez o lunes. Er dice que podremos seguir entrando como siempre, pero prefiero no fer-me ilusións y será como haiga de ser.
Pos cosa, a trebajar…

04
Feb
11:03PM
2025

Día 25

(Iste post ye disponible en: benasqués, cheso, semontanés.)
Tornand ta’l tema de cuál ye la pior empresa lochística, cambio la mía opinión: ye GLS. A les 2 m’arribe un correu de Wallapop dind que ya puedo repllegar el paquet, pero no me’n arribe cap de GLS dan el QR u el PIN. A les 5 me’n voi ta’l punto de repllegada y el paquet no igu’ere. Tòrno ta casa, miro de gritar a GLS y la central no agarra el teléfono. Grito una altra vegada y me dicen que no i pueden fer res. Pòso una recllamación y un pòc antes de les 6 m’arribe el correu de GLS dan el QR. El seguiment diu que s’ha depositau 2 vegades en el punt de repllegada…
Per l’altro costau, mes o menos ya entiendo els horarios de reparto de Correos. Ye útil saber-los si per lo que siga no te dona temps de demanar la entrega en oficina u CityPaq, coma ye el caso ara.
L’entrenament de hue bé, encara que en bíceps y pit no teniba la mateixa fòrza de siempre.
Ista nit tamé me va tocar terapia.
(Iste post ye disponible en: benasqués, cheso, semontanés.)
Tornando ta lo tema de cuála ye la pior empresa lochística, cambio la mía opinión: ye GLS. A las 2 me plega un correu de Wallapop dicindo que ya puedo replegar lo paquete, pero no me’n plega dinguno de GLS con lo QR u lo PIN. A las 5 me’n vo ta lo punto de replegada y lo paquete no ib’ye. Torno ta casa, miro de gritar a GLS y la central no pilla lo teléfono. Grito una otra vez y me dicen que no pueden fer cosa. Meto una reclamación y una mica antis de las 6 me plega el correu de GLS con el QR. El seguimiento dice que s’ha depositau 2 veces en el punto de replegada…
Antiparti, alto u baxo ya entiendo los horarios de reparto de Correos. Saber-los fa buena honra si por lo que siga no te da de tiempo a pedir la entrega en oficina u CityPaq, como ye lo caso agora.
L’entrenamiento de hoi bien, anque en bíceps y peito no teneba la misma fuerza de siempre.
Esta nueit tamién me va tocar terapia.
(Iste post ye disponible en: benasqués, cheso, semontanés.)
Golviendo t’o tema de cuál ye ra pior empresa lochística, cambio ra mía opinión: ye GLS. A ras 2 me llega un correu de Wallapop dicindo que ya puedo recoger o paquete, pero no me’n llega denguno de GLS con o QR u ro PIN. A ras 5 me’n voi t’o punto de recogida y ro paquete no ye. Güelvo ta casa, miro de gritar a GLS y ra central no coge ro teléfono. Grito una otra vez y me dicen que no pueden fer cosa. Meto una reclamación y una miaja antis de ras 6 me llega ro correu de GLS con o QR. Miá que ro seguimiento dice que s’ha depositau 2 veces en el punto de recogida…
Por otro lau, alto u bacho ya entiendo ros horarios de reparto de Correos. Saber-los fa buena honra si por lo que seiga no te da de tiempo de pedir la entrega en oficina u CityPaq, como ye ro caso aora.
L’entrenamiento de hoi bien, anque en bíceps y pecho no teneba la misma fuerza de siempre.
Ista noche tamién me va tocar terapia.

03
Feb
11:04PM
2025

Día 24

(Iste post ye disponible en: benasqués, cheso, semontanés.)
De maitino, ve tinre una reunión dan el mío director de tesis. Dimpués, ve entrenar pierna dan Á., pero no me trobaba brenca be. Ve mirar de treballar una mica, pero la cabeza no me donabe ta res.
Anit ve dormir molt mal. Ve soniar que anaba de vacacións ta Tailandia. Mis pais y bèlla tía mía tamé i heben anaus, pero en un vuelo separau. En arribar, ve anar al súper y ve vere tía E. (la mía madrina y dòna d’un tío que se va morir) que le donabe una desgana. Alguno me va punchar dan una agulla y teniba por d’agarrar bèlla malautía. Ve agarrar un taxi enta l’hotel y me ve donar cuenta de que no teniba la mía cartera. Me ve posar a pllorar rabioso y desesperau. Ve tornar ta’l súper y ve escunsar dan mis pais y tía F. Me’n ve anar dan tía F. enta l’hotel.
(Iste post ye disponible en: benasqués, cheso, semontanés.)
De mañanas, tenié una reunión con lo mío director de tesis. Dimpués, entrené garra con Á., pero no me trobaba pon bien. Miré de triballar una mica, pero lo tozuelo no me daba pa cosa.
Anueit dormí muit mal. Sonié que iba de vacacións ta Tailandia. Mis padris y bella tía mía tamién bi heban íus, pero en un vuelo separau. En plegar, fué ta’l súper y vié tía E. (la mía madrina y muller d’un tío que se morié) que li daba una desgana. Beluno me punché con una agulla y heba miedo d’apercazar bella enfermedat. Pillé un taxi enta l’hotel y m’apercaté de que no heba la mía cartera. Me metié a plorar rabioso y desesperau. Torné ta’l súper y topé con mis pais y tía F. Me’n fué con tía F. enta l’hotel.
(Iste post ye disponible en: benasqués, cheso, semontanés.)
De mañanas, tuve una reunión con o mío director de tesis. Dispués, entrené garra con Á., pero no me trobaba miaja bien. Miré de triballar una miaja, pero ro tozuelo no me daba pa cosa.
Anoche dormí muit mal. Sonié que iba de vacacións ta Tailandia. Mis padres y bella tía tamién habeban íu, pero en un vuelo separau. En llegar, fué ta’l súper y vide tía E. (la mía padrina y muller d’un tío que se murié) que le desmayaba. Alguno me punchó con una aguja y me se puso miedo de coger bella enfermedat. Cogié un taxi enta l’hotel y me dié en cuenta de que no teneba la mía cartera. Preté a plorar rabioso y desesperau. Güelví ta’l súper y m’alcontré con mis padres y tía F. Me’n fué con tía F. enta l’hotel.

02
Feb
11:43PM
2025

Día 23

(Iste post ye disponible en: benasqués, cheso, semontanés.)
Pus hue mes de lo mismo, fòra d’haber dormiu y entrenau ben.
Anit, antes de dormir, ve llechir bells relatos en semontanés de Pilar Lisa. La chent siempre diu que está molt castellanizau, pero me fa molto gòi ixa manèra tan rica que tienen d’expresar-se. No sigo capaz de charrar aixines ni sisquera en la mía llengua materna, talmente a causa de l’autismo.
Ve soniar dan la yaya d’Á., pero viviben a una altra casa y teniben dos cans: uno chicorrón y un altro ben furro.
Tamé instalé el PageFind a’l blog.
(Iste post ye disponible en: benasqués, cheso, semontanés.)
Pos hoi mas de lo mismo, defuera d’haber dormiu y entrenau bien.
Anueit, antis de dormir, lié bels relatos en semontanés. La chent siempre dice que está muit castellanizau, pero me cuaca a-saber-lo esa manera tan rica que tienen d’expresar-se. No so capaz de charrar asinas ni siquiera en la mía luenga materna, alcaso por causa de l’autismo.
Sonié con la lola d’Á., pero viviban en una otra casa y teniban dos cans: uno chicorrón y l’otro bien furo.
Tamién instalé lo PageFind en el blog.
(Iste post ye disponible en: benasqués, cheso, semontanés.)
Pos hoi mas de ro mismo, difuera d’haber dormiu y entrenau bien.
Anoche, antis de dormir, leyé bells relatos en semontanés. A chent siempre dice que está muit castellanizau, pero me cuaca a-saber-lo isa manera tan rica que tienen d’expresar-se. No soi capaz de charrar asinas ni sisquiera n’a mía luenga materna, a lo mejor por causa de l’autismo.
Sonié con a yaya d’Á., pero viviban en una otra casa y teniban dos cans: uno chicorrón y l’otro bien furo.
Tamién instalé lo PageFind en el blog.

01
Feb
07:45PM
2025

Día 22

(Iste post ye disponible en: benasqués, cheso, semontanés.)
Hue va estar un día normal: ve anar ta’l chimnasio, y ara estigo treballand mentre que esculto les canzóns de Jesús Sierra en chistabín.
(Iste post ye disponible en: benasqués, cheso, semontanés.)
Hoi fue un día normal: fue ta lo chimnasio y agora soi triballando mientras escuito las cantas de Jesús Sierra en chistabín.
(Iste post ye disponible en: benasqués, cheso, semontanés.)
Hoi fue un día normal: fue t’o chimnasio y aora estoi trebajando entretanto que escucho las cantas de Jesús Sierra en chistabín.

31
Jan
11:59PM
2025

Día 21

(Iste post ye disponible en: benasqués, cheso, semontanés.)
Hue ve mirar d’anyadir pachinación a bèlles páchines de 11ty que no’n teniben. Dimpués, ve anar ta’l chimnasio. De tardada, ve anar ta l’asociación ta chugar chuegos de mesa, y dimpués vem sopar al BK.
Siempre ixupllido la roba a la llavadora y me tòque tornar a llavar-la. Tiengo una tanda que va pe’l tercero lavau.
(Iste post ye disponible en: benasqués, cheso, semontanés.)
Hoi miré d’anyadir paxinación a bellas páxinas de 11ty que no’n heban. Dimpués, fue ta lo chimnasio. A la tardada, fue ta l’asociación pa chugar chuegos de mesa, y dimpués cenemos en lo BK.
Siempre olvido la ropa en la lavadora y me toca tornar a lavar-la. He una tanda que va por lo tercero lavau.
(Iste post ye disponible en: benasqués, cheso, semontanés.)
Hoi miré d’anyadir pachinación a bellas páchinas de 11ty que no’n teneban. Dispués, fue t’o chimnasio. A la tardada, fue ta l’asociación pa chugar chuegos de mesa, y dispués cenemos n’o BK.
Siempre olvido ra ropa n’a lavadora y me toca tornar a lavar-la. Tiengo una tanda que va por o tercero lavau.

30
Jan
06:12PM
2025

Día 20

(Iste post ye disponible en: benasqués, cheso, semontanés.)
Iste maitino, ve anar ta’l chimnasio dan Á. Fa bèlls díes heba perdiu les estiseres, y les heba d’amenister ta ubrir el tomate frito. La còsa ye que pòrto mes de 2 meses esperand que els de la inmobiliaria me pòrten la mesa de l’altro piso. No puedo desfer les cajes perque les fago servir coma mesa, ni tapòc tiengo guaire puesto ta montar muebles y ordenar còses. A vegades m’espaciencio perque pèrdo còses u no tròbo lo que he d’amenister. Dimpués de disnar, ve brenar dan Á. y treballar una mica.
(Iste post ye disponible en: benasqués, cheso, semontanés.)
Esta mañana, fue ta lo chimnasio con Á. Fa bels días heba perdiu las tixeras, y las heba a menester pa abrir lo tomate frito. La cosa ye que levo mas de 2 meses esperando que los de la inmonbiliaria me traigan la mesa de l’otro piso. No puedo desfer las caxas porque las empleo como mesa, ni tampoco tiengo muito puesto pa montar muebles y ordenar cosas. A veces m’espaciencio porque pierdo cosas u no trobo lo que he a menester. Dimpués de chintar, berendé con Á. y triballé una mica.
(Iste post ye disponible en: benasqués, cheso, semontanés.)
Esta mañana, fue t’o chimnasio con Á. Fa bels días habeba perdiu las esticheras, y las necesitaba pa abrir o tomate frito. La cosa ye que llevo mas de 2 meses esperando que ros de ra inmonbiliaria me traigan a mesa de l’otro piso. No puedo desfer las cajas porque las gasto como mesa, ni tampoco tiengo mucho puesto pa montar muebles y acuriosar cosas. De vez en cuando me despaciento porque pierdo cosas u no trobo lo que necesito. Dispués de comer, brendé con Á. y trebajé una miaja.

29
Jan
06:12PM
2025

Día 19

(Iste post ye disponible en: benasqués, cheso, semontanés.)
Iste maitino ve anar a la poli ta cambiar el domicilio de la TIE, y resulte que no calebe pagar la tasa 790. Ye la segunda vegada que els de 060 me donen información entivocada. Ve tramitar la solicitud de restitución y a vere si i hei sòrt.
Hue estaba esperand un paquet de SEUR y me parecebe molt raro que no me deixasen repllegar-lo a un punt de repllegada, y encara que aparecebe coma «en reparto» tapòc i hebe información de la hora de reparto. Mentre yeba a’l chimnasio, me grite el repartidor y viengo corrend ta casa. Resulte que yebe un paquet SEUR 10, o sigue, un paquet urgente que s’hebe d’haber entregau antes de les 10…
He trobau el cargador de’l mío cepillo de dients que portabe dende les Navidades desapareceu.
Creugo que anit va estar la primera vegada que Á. va aparece en un suenio mío.
(Iste post ye disponible en: benasqués, cheso, semontanés.)
Esta mañana fue ta la poli pa cambiar el domicilio de la TIE, y resulta que no heba a pagar la tasa 790. Ye la segunda vez que los de 060 me dan información entivocada. Tramité la solicitud de restitución y a viyer si bi ha suerte.
Hoi estaba aguardando un paquete de SEUR y me pareceba muit raro que no me dixasen replegar-lo en un punto de replegada, y anque apareceba como «en reparto» tampoco bi heba información de la hora de reparto. Mientras yera en lo chimnasio, me grita lo repartidor y viengo corrindo ta casa. Resulta que yera un paquete SEUR 10, u siga, un paquete urxente que habría a haber estau entregau antis de las 10…
He trobau lo cargador de lo mío cepillo de dients que levaba dende las Navidades desapareciu.
Creigo que anueit fue la primera vez que Á. aparecié en un suenio mío.
(Iste post ye disponible en: benasqués, cheso, semontanés.)
Esta mañana fue ta ra poli pa cambiar o domicilio de ra TIE, y resulta que no habeba que pagar a tasa 790. Ye ra segunda vez que ros de 060 me dan información entivocada. Tramité ra solicitud de torna y a viyer si hai suerte.
Hoi estaba aguardando un paquete de SEUR y me paiceba muit raro que no me dejasen recoger-lo en un punto de recogida, y anque apaiceba como «en reparto» tampoco habeba información de ra hora de reparto. Entretanto estaba n’o chimnasio, me grita ro repartidor y viengo corriendo ta casa. Resulta que yera un paquete SEUR 10, u-sía-se, un paquete urgente s’habeba d’haber entregau antis de ras 10…
He trobau ro cargador d’o mío cepillo de dients que levaba dende ras Navidades desapaiciu.
Creigo que anoche fue ra primera vez que Á. apaició en un suenio mío.

28
Jan
06:12PM
2025

Día 18

(Iste post ye disponible en: benasqués, cheso, semontanés.)
Els marts no suelgo entrenar dan Á. perque ye el día que llibre Y., pero coma iste maitino tenibe dentista, heban quedau d’entrenar chuntos. Res, a la fin l’esquena le fa encara mes mal que ahiere y ve anar a entrenar solet.
De tardis, teniba que anar a’l Fotomatón ta fer una foto ta la TIE, pero me va tocar esperar un paquet de MRW. Ye la pior empresa lochística dan diferencia…
Antes de dormir, ve fer terapia. Y el vecino, mentre, venga a taladrar…
(Iste post ye disponible en: benasqués, cheso, semontanés.)
Los martes no suelo entrenar con Á. porque ye lo día que libra Y., pero como esta mañana heba dentista, hébanos quedau d’entrenar chuntos. Cosa, a la fin l’espalda le fa encara mas mal que ahier y fue a entrenar solo.
De tardis, habeba a ir ta lo Fotomatón pa fer una foto pa la TIE, pero me toqué aguardar un paquete de MRW. Ye la pior empresa lochística con diferencia…
Antis de dormir, facié terapia. Y el vecino, mientras, venga a taladrar…
(Iste post ye disponible en: benasqués, cheso, semontanés.)
Os martes no acostumo a entrenar con Á. porque ye ro día que libra Y., pero como esta mañana teneba dentista, habebanos quedau d’entrenar chuntos. Cosa, a la fin a costilla le fa encara mas mal que ahier y fue a entrenar solo.
De tardes, teneba que ir t’o Fotomatón pa fer una foto pa la TIE, pero me tocó aguardar un paquete de MRW. Ye la pior empresa lochística con diferencia…
Antis de dormir, fice terapia. Y el vecino, entretanto, venga a taladrar…

27
Jan
06:12PM
2025

Día 17

(Iste post ye disponible en: benasqués, cheso, semontanés.)
Iste maitino, ve anar a chollar el pelo dan Á. y dimpués vem entermorzar chuntos. Hue ve anar ta’l chimnasio solet pus a Á. le febe mal l’esquena. M’he comprau tamé un ubrelates perque estigo farto de’l puto ubrefacil de les lates de sardines que siempre se estricalle.
(Iste post ye disponible en: benasqués, cheso, semontanés.)
Esta mañana, fue a tallar lo pelo con Á. y dimpués desayunemos chuntos. Hoi fue ta lo chimnasio solo, pos a Á. li feba mal l’espalda. Me compré tamién un abrelatas porque soi farto de lo puto abrefacil de las latas de sardinas que siempre se estricalla.
(Iste post ye disponible en: benasqués, cheso, semontanés.)
Esta mañana, fue a cortar o pelo con Á. y dispués almorcenos chuntos. Hoi fue t’o chimnasio solo, pos a Á. le feba mal a costilla. Me compré tamién un abrelatas porque estoi farto d’o puto de las latas de sardinas que siempre se estricalla.

26
Jan
10:22PM
2025

Día 16

(Iste post ye disponible en: benasqués, cheso, semontanés.)
Hue he entrenau pierna dan Á. Me còsta fer el peso muerto rumano, pero Al. y Á. me van achudar y estigo encomenzand a agafar la técnica.
(Iste post ye disponible en: benasqués, cheso, semontanés.)
Hoi he entrenau garra con Á. Me cuesta fer el peso muerto rumano, pero Al. y Á. me ayuderon y estoi empecipiando a pillar la técnica.
(Iste post ye disponible en: benasqués, cheso, semontanés.)
Hoi he entrenau garra con Á. Me cuesta fer el peso muerto rumano, pero Al. y Á. me ayudon y estoi empezando a coger la técnica.

25
Jan
10:22PM
2025

Día 15

(Iste post ye disponible en: benasqués, cheso, semontanés.)
Á. ha contratau un servicio de coaching y le van fer una rutina d’entrenament. De momento, me parece molt bé. De tardis, ve anar dan Á. a prener algo dan J.
Correos ha cambiau el sistema de seguiment de paquets, y i hei un bug: durant les primeres 24 hores el código postal de’l remitent siempre aparece en cuenta del código potal del destinatari y no te deixen demanar repllegar el paquet ni a CityPaq ni a una oficina hasta que el paquet arribe a l’altra provincia. M’ha pasau ya dos vegades istos díes.
(Iste post ye disponible en: benasqués, cheso, semontanés.)
Á. contraté un servicio de coaching y li facieron una rutina d’entrenamiento. De momento, me parece muit bien. De tardis, fué con Á. a tomar algo con J.
Correos cambié lo sistema de seguimiento de paquetes, y bi ha un bug: durant las primeras 24 horas lo código postal de lo remitente siempre aparez en guis de lo código postal del destinatario y no te deixan demandar replegar lo paquete ni en CityPaq ni en una oficina hasta que lo paquete plega a l’otra provincia. Me pasé ya dos veces estos días.
(Iste post ye disponible en: benasqués, cheso, semontanés.)
Á. contrató un servicio de coaching y le fizon una rutina d’entrenamiento. De momento, me parece muit bien. De tardes, fue con Á. a tomar algo con J.
Correos cambió ro sistema de seguimiento de paquetes, y hai un bug: durante las primeras 24 horas o código postal de ro remitente siempre apaice en cuentas de ro código postal de ro destinatario, y no te deixan pedir recoger o paquete ni en CityPaq ni en una oficina hasta que ro paquete llega a l’otra provincia. Me pasó ya dos veces estos días.

24
Jan
11:59PM
2025

Día 14

(Iste post ye disponible en: benasqués, cheso, semontanés.)
Isto maitino, Á. y yo vem donar una vuelta dimpués que ell va deixar el suyo coche a’l taller ta que le cambiasen la lluna. De tardis, ve entrenar y treballar una miqueta, y dimpués ve anar ta l’asociación per una tardi de chuegos de mesa y videochuegos. Vem sopar yo, D.G. y altros tres socios.
Se me va caire el móvil drinto de’l wáter, pero el ve agarrar de seguida y pareix que funciona. Tamé ve acabar de llechir els dos tomos de «A Lueca» hue a’l tren.
(Iste post ye disponible en: benasqués, cheso, semontanés.)
Esta mañana, Á. y yo diemos una vuelta dimpués que él deixó el suyo coche en el taller pa que li cambiasen la luna. De tardis, entrené y triballé una miqueta, y dimpués fué ta l’asociación por una tardi de chuegos de mesa y videochuegos. Cenemos yo, D.G. y otros tres socios.
Me se cayé el móvil dentro de’l wáter, pero lo pillé ascape y parece que funciona. Tamién acabé de liyer los dos tomos de «A Lueca» hoi en el tren.
(Iste post ye disponible en: benasqués, cheso, semontanés.)
Esta mañana, Á. y yo diemos una güelta dispués que er deixó ro suyo coche n’o taller pa que le cambiasen la luna. De tardes, entrené y trebajé bella miaja, y dimpués fué ta l’asociación por una tarde de chuegos de mesa y videochuegos. Cenamos yo, D.G. y otros tres socios.
Me se cayó ro móvil dentro ro wáter, pero lo cogié ascape y paice que funciona. Tamién acabé de leyer os dos tomos de «A Lueca» hoi en el tren.

23
Jan
04:32PM
2025

Día 13

(Iste post ye disponible en: benasqués, cheso, semontanés.)
Anit me va costar molt endormisquiar-me y me ve posar a llechir còses sobre l’aragonés de Val de Vió. Me van entrar ganes d’aprenre’l, pero ya en tiengo pròu dan el cheso, el benasqués y el semontanés. Hue ve entrenar espailla dan Á. y ve treballar.
(Iste post ye disponible en: benasqués, cheso, semontanés.)
Anueit me costó muito adormir-me y me metié a lier cosas sobre l’aragonés de Val de Vió. Me dentreron ganas d’aprender-lo, pero ya n’he pro con el cheso, el benasqués y el semontanés. Hoi entrené espalda con Á. y triballé.
(Iste post ye disponible en: benasqués, cheso, semontanés.)
Anoche me costó a-saber-lo adormir-me y me metié a leyer cosas sobre l’aragonés de Valle de Vió. Me dentron ganas d’aprender-lo, pero ya en tiengo prou con el cheso, el benasqués y el semontanés. Hoi entrené costilla con Á. y trebajé.

22
Jan
09:29PM
2025

Día 12

(Iste post ye disponible en: benasqués, cheso, semontanés.)
Hue sí que ve dormir millor. Ve entrenar y treballar una mica. Á. tenibe 10€ en efectivo que le hebe donau su pai y no sabebe cóm malgastar-los, y me va dir d’anar a la ruleta. Mai no heba entrau en ixos antros. Dimpués, vem anar a brenar. En tornar ta casa, ve seguir treballand.
(Iste post ye disponible en: benasqués, cheso, semontanés.)
Hoi sí que dormí millor. Entrené y triballé una mica. Á. heba 10€ en efectivo que li heba dau su pai y no sabeba cómo malgastar-los, y me dicié d’ir a la ruleta. Nunca no heba entrau en ixos antros. Dimpués, fuemos a berendar. En tornar ta casa, seguié triballando.
(Iste post ye disponible en: benasqués, cheso, semontanés.)
Hoi sí que dormí mejor. Entrené y trebajé un sinyal. Á. teneba 10€ en efectivo que li habeba dau su pai y no sabeba cómo malgastar-los, y me dijió d’ir a ra ruleta. Nunca habeba entrau en ixos antros. Dispués, fuemos a brendar. En tornar ta casa, seguié trebajando.

21
Jan
11:09PM
2025

Día 11

(Iste post ye disponible en: benasqués, cheso, semontanés.)
Anit no ve dormir guaire bé. Hue, Á. tenibe una entrevista de treball a Torrejón y le ve acompaniar. Me va deixar a’l chimnasio y me va vinre a repllegar una hora dimpués. Me va fer gòi perque pllovebe y no i hebe ni dèu, a mes de que i hebe una máquina de press banca dan discos y altra de sentadilla hack. Dimpués de tornar t’Alcalá, vem donar una vuelta y charrar una miqueta. De tardis, ve entrenar pierna dan Á., y me va anar fatal. Me va sangrar el naso. A yo mai no m’hebe pasau asò. De nit, ve fer terapia.
(Iste post ye disponible en: benasqués, cheso, semontanés.)
Anoche no dormí muit bien. Hoi, Á. heba una entrevista de triballo en Torrejón y li acompanié. Me dixó en el chimnasio y me venié a replegar una hora dimpués. Me facié goyo porque pleveba y no bi heba ni dios, amás de que bi heba una máquina de press banca con discos y otra de sentadilla hack. Dimpués de tornar t’Alcalá, diemos una vuelta y charremos una miqueta. De tardis, entrené garra con Á., y me fue fatal. Me sangró la nariz fendo. A yo nunca no m’heba pasau esto. De nueit, facié terapia.
(Iste post ye disponible en: benasqués, cheso, semontanés.)
Anoche no dormí muit bien. Hoi, Á. teneba una entrevista de trebajo en Torrejón y li acompané. Me dejó en el chimnasio y me vino a 'uscar una hora dispués. Me fizo gozacho porque pleveba y no había ni dios, amás de que había una máquina de press banca y otra de sentadilla hack. Dispués de tornar t’Alcalá, diemos una guelta y charremos una miajeta. De tardes, entrené garra con Á. Me sangró ras narices. A yo nunca m’habeba pasau esto. De noche, fice terapia.

20
Jan
11:59PM
2025

Día 10

(Iste post ye disponible en: benasqués, cheso, semontanés.)
Hue, va ser día de fer gestiones. De maitino, ve tinre reunión dan el mío director de tesis. Dimpués, ve anar ta l’ayuntamiento ta probar de cambiar l’empadronament. La zaguèra vegada me van dir que si calebe el sello de la inmobiliaria en cuenta de la firma de la casera, que si constabe coma local y no coma vivienda, y ve-te a sabre cuántes còses mes, pero la dòna que me va atender no me va dir ni mu. Dimpués, Á. y yo vem entrenar bíceps y tríceps. En arribar ta casa, ve gritar a’l 060 ta preguntar la tasa que cal pagar ta fer el duplicau de la TIE (fan de tot perque no puesques charrar dan un atendiente y me va tocar gritar 3 vegades) y ve anar ta la copiadora ta imprimir el formulario de la tasa. De tardis, Á. me va achudar a pagar la tasa a’l caixero, vem anar a penre algo y vem donar una vuelta. Tamé ve migrar l’11ty a la versión 3.
(Iste post ye disponible en: benasqués, cheso, semontanés.)
Hoi, fue día de fer gestiones. De mañanas, habié reunión con el mío director de tesis. Dimpués, fue ta l’ayuntamiento pa prebar de cambiar l’empadronamiento. La zaguera vez me dicieron que si heba a menester lo sello de la inmobiliaria en guis de la firma de la casera, que si constaba como local y no como vivienda, y no sé cuántas cosas más, pero la mucher que m’atendié hoi no me dicié ni pon. Dimpués, Á. y yo entrenemos bíceps y tríceps. En plegar ta casa, grité a’l 060 pa preguntar la tasa que heba a pagar pa fer lo duplicau de la TIE (fan de todo porque no puedas fablar con un atendiente) y fue ta la copiadora pa imprimir el formulario de la tasa. De tardis, Á. m’aduyó a pagar la tasa en lo caixero, fuemos a tomar algo y diemos una vuelta. Tamién migré l’11ty a la versión 3.
(Iste post ye disponible en: benasqués, cheso, semontanés.)
Hoi, fue día de fer gestiones. De mañanas, tuve reunión con o mío director de tesis. Dispués, fue ta l’ayuntamiento pa prebar de cambiar l’empadronamiento. La zaguera vez me dijión que si yera menester o sello d’a inmobiliaria en puesto d’a firma d’a casera, que si constaba como local y no como vivienda, y quemisió cuántas cosas más, pero a mucher que m’atendió hoi no dijió ni piu. Dispués, Á. y yo entrenemos bíceps y tríceps. En llegar ta casa, grité a’l 060 pa preguntar a tasa que se tiene que pagar pa fer o duplicau de la TIE (fan de tot porque no puedas charrar con un atendiente) y fue t’a copiadora pa imprimir o formulario d’a tasa. De tardes, Á m’aduyó a pagar a tasa n’o cajero, fuemos a tornar algo y diemos una güelta. Tamién migré l’11ty a ra versión 3.

19
Jan
04:07PM
2025

Día 9

(Iste post ye disponible en: benasqués, cheso, semontanés.)
Hue, ve entrenar antebrazo dan Á. y dimpués ve seguir solo. Anit, ve tinre una baruca: va haber un terremoto a Brasil, y yo feba bèlla asignatura a la uni y teniba un examen, pero coma costabe molt de sallre y no heba estudiau, no i ve anar.
(Iste post ye disponible en: benasqués, cheso, semontanés.)
Hoi, entrené antebrazo con Á., y dimpués seguié solo. Anoche, tenié una pesadilla: habió un terremoto en Brasil, y yo feba bella asignaturra en la uni y heba un examen, pero como costaba muito de salir y no heba estudiau, no bi fue.
(Iste post ye disponible en: benasqués, cheso, semontanés.)
Hoi, entrené antebrazo con Á., y dispués seguié solo. Anoche, tenié una pesadilla: hubo un terremoto en Brasil, y yo feba bella asignatura en la uni y teneba un examen, pero como costaba a-saber-lo de salir y no habeba estudiau, no fue.

18
Jan
11:59PM
2025

Día 8

(Iste post ye disponible en: benasqués, cheso, semontanés.)
Hue ve entemorzar dan Á. Mentre, Á. y la suya nòvia Y. se capitoliaben. No entengo perque la chent diu còses que no pensa cuan son rabiosos. Ve entrenar, y de tardis, ve anar a ocio. Dimpués ve sopar dan A.C. y S. a’l Pomodoro.
(Iste post ye disponible en: benasqués, cheso, semontanés.)
Hoi desayunè con Á. Mientras, Á. y la suya novia Y. se barallaban. No entiendo porque la chent dice cosas que no piensa cuan son enfadaus. Entrenè, y de tardis, fue a ocio. Dimpuès, cené con A.C. y S. en lo Pomodoro.
(Iste post ye disponible en: benasqués, cheso, semontanés.)
Hoi desayunè con À. Entretanto, À y ra novia suya Y. se chaquetiaban. No entiendo porque a chent dice cosas que no piensa al estar carrañosos. Entrené, y de tardes, fue a ocio. Dispués, cené con A.C. y S. n’o Pomodoro.

17
Jan
04:25PM
2025

Día 7

(Iste post ye disponible en: benasqués, cheso, semontanés.)
Hue me va tocar vichilar un examen a la universidat. Uns cuants estudiants el van entregar en bllanco, una còsa que me còste entenre… Dimpués, ve anar a’l chimnasio, a comprar y ve treballar una miqueta.
(Iste post ye disponible en: benasqués, cheso, semontanés.)
Hoi me tocó vixilar un examen en la universidat. Unos cuantos estudiants entregueron en blanco, una cosa que me cuesta entender… Dimpués, fue a’l chimnasio, a mercar y triballé una miqueta.
(Iste post ye disponible en: benasqués, cheso, semontanés.)
Hoi me tocó otilar un examen en la universidat. Unos cuantos estudiantes entregon en blanco, una cosa que me cuesta entender… Dispués, fue a’l chimnasio, a comprar y trebajar un poquet.

16
Jan
07:23PM
2025

Día 6

(Iste post ye disponible en: benasqués, cheso, semontanés.)
Estigo molt content perque parece que per fin sigo desfent l’embolic que teniba dan l’aragonés. No me fa molto gòi asò de mezcllar parllaches de zones diferents.
Hue, a’l chimnasio, ve estar una bona estona ta posar el peso en la máquina de pantorrilla perque no podeba sacar cuentes, y a la fin ademés me ve entivocar y i ve posar 30kg menos. Còses que només qui tiene discalculia puede entenre…
Dimpués, ve treballar una mica y ve anar a prene algo dan Á. Me va invitar ell.
(Iste post ye disponible en: benasqués, cheso, semontanés.)
So muit contento porque parece que por fin so desfendo l’enredo que heba con l’aragonés. No me cuaca muito esto de mezclar fablas de zonas diferents.
Hoi, en lo chimnasio, estié un buen ratet pa meter lo peso en la máquina de canilla porque no podeba sacar cuentas, y a’l fin amás m’entivoqué y bi metié 30kg menos. Cosas que solo qui tiene discalculia puede entender…
Dimpués, triballé una miqueta y fue a tomar algo con Á. M’invitó él.
(Iste post ye disponible en: benasqués, cheso, semontanés.)
Estoi bien contento porque paice que por fin estoi desfendo l’embolico que teneba con l’aragonés. No me cuaca mucho esto de mezclar fablas de zonas diferents.
Hoi, n’o chimnasio, estuve un buen ratet pa meter o peso n’a máquina de pantorra porque no podeba fer cuentas, y a ra fin amás m’entivoqué y i metié 30kg menos. Cosas que només quien tiene discalculia pue entender…
Dispués, trebajé un sinyalín y fue a tomar algo con Á. M’invitó er.

15
Jan
04:49PM
2025

Día 5

(Iste post ye disponible en: benasqués, cheso, semontanés.)
Hue me tocabe reunión dan la mía directora de tesis. Anit, cuan algú sallibe de’l piso de’l vecino, van sonar la mía campana. Dimpués de que me despertasen, ve tardar mes d’una hora en tornar a endormisquiar-me y no ve dormir guaire bé. Coma no me vagabe, ve entrenar només 40 minutos y ve agafar el tren t’anar ta Madrid. Teniba tanto estrés que me febe mal la pancha. Per sòrt no me va dir res de dolent.
(Iste post ye disponible en: benasqués, cheso, semontanés.)
Hoi me tocaba reunión con la mía directora de tesis. Anueit, cuando belún saliba de lo piso de lo vecino, soneron la mía campana. Dimpués de que m’espertasen, tardé más d’una hora en tornar a adormir-me y no dormí muit bien. Como no me vagaba, entrené solo 40 minutos y pillé lo tren pa ir ta Madrid. Heba tanto estrés que me feba mal la pancha. Por suerte no me dicié cosa de mal.
(Iste post ye disponible en: benasqués, cheso, semontanés.)
Hoi me tocaba reunión con a directora de tesis mía. Anoche, a ro que belún saliba d’o piso d’o vecino, soneron a campana mía. Dispués de que m’espertasen, tardé más d’una hora en golver a adormir-me y no dormí muit bien. Como no me vagaba, entrené nomás 40 minutos y pillé ro tren pa ir ta Madrid. Teneba tanto estrés que me feba mal a pancha. Por suerte no me dijió cosa de mal.

14
Jan
04:21PM
2025

Día 4

(Iste post ye disponible en: benasqués, cheso, semontanés.)
Dimpués d’uns cuants díes dormind mal, siento que anit ve dormir coma cal. Per un regular, no suelgo dormir bé, així que miro de dormir pròu. No m’arrecòrdo de res de lo que ve soniar, pero cllaro está que estigo nervioso. De nit, ve tinre terapia.
(Iste post ye disponible en: benasqués, cheso, semontanés.)
Dimpués d’unos cuantos días dormindo mal, siento que anueit dormí como ye menester. Cheneralment, no solo dormir bien, asinas que miro de dormir pro. No remero cosa de lo que sonié, pero claro ye que so nervioso. De nueit, tenié terapia.
(Iste post ye disponible en: benasqués, cheso, semontanés.)
Dispués d’unos cuantos días dormindo mal, siento que anoche dormí como ye debíu. Por un regular, no acostumbro a dormir bien, asinas que prebo de dormir prou. No remero cosa de lo que sonié, pero claro está que estoi nerviudo. De noches, tuve terapia.

13
Jan
04:21PM
2025

Día 3

(Iste post ye disponible en: benasqués, cheso, semontanés.)
Hue me sentiba molt nervioso. Yere uno d’ixos díes en que només salre t’afòra sientes una mena d’agonía… Dimpués d’entrenar, coma no teniba ganes de cocinar, ve pasar pe’l súper y ve prener una empanada. Me la minché entera yo solet.
(Iste post ye disponible en: benasqués, cheso, semontanés.)
Hoi me sentiba muit nervioso. Yera uno d’ixos días en que solo salir t’afuera sientes una mena d’angunia… Dimpués d’entrenar, como no heba ganas de cocinar, pasé por lo súper y pillé una empanada. Me la minché entera yo solet.
(Iste post ye disponible en: benasqués, cheso, semontanés.)
Hoi me sentiba muit nerviudo. Yera uno d’ixos días en que malas que sales t’afuera sientes una mena d’angunia… Dispués d’entrenar, como no teniba esma de cocinar, pasé por o súper y cogié una empanada. La me minché entera yo solet.

12
Jan
10:19AM
2025

Día 2

(Iste post ye disponible en: benasqués, cheso, semontanés.)
De maitino, Á. y yo ven entrenar moscllo y bíceps, y dimpués, ve minchar una paella a un bar que i hei cerca. De tardis, ve treballar una mica y ve tomar algo con Á. Hue me sentiba molt nervioso, pero Á. me va achudar a calmar-me.
(Iste post ye disponible en: benasqués, cheso, semontanés.)
Por la mañana, Á. y yo entrenemos huembro y bíceps, y dimpués, minché una paella en un bar que bi ha cerca. De tardis, triballé una mica y tomé algo con Á. Hoi me sentiba muit nervioso, pero Á. m’aduyó a calmar-me.
(Iste post ye disponible en: benasqués, cheso, semontanés.)
De mañanas, Á. y yo entrenemos huembro y bíceps, y dispués, minché una paella en un bar que hai cerca. De tardes, trabajé un sinyal y tomé algo con Á. Hoi me sentiba muit nervudo, pero Á. m’aduyó a calmar-me.

11
Jan
11:59PM
2025

Día 1

(Iste post ye disponible en: benasqués, cheso, semontanés.)
A sovent m’entre ansiedat y no sigo capaz de posar-me tranquilo. No me fa brenca gòi tinre còses que fer y no poder pas sacar-me-les d’encima. Alavegada, me poso a escultar una grabación que me va fer el mío amigo Á. u intento pensar que no i hei res mes que puesca fer. Pero a vegades res funciona… Hue en ocio ven anar ta’l Museo Reina Sofía, y no podeba deixar de pensar en les còses que me toca fer ista semana. Dimpués de l’actividat, ve anar a sopar con D.D. y C.H. y me ve tranquilizar una miqueta.
De maitino, ve anar a’l chimnasio, y dimpués, ve prene algo dan Á. y ven fer el suyo nuevo currículo.
(Iste post ye disponible en: benasqués, cheso, semontanés.)
A ormino me dentra ansiedat y no soy capaz de posar-me tranquilo. No me fa pon de goyo haber cosas que fer y no poder tirar-me-las d’encima. Allora, me poso a escuitar una grabación que me facié lo mío amigo Á. u intento pensar que no bi ha cosa mas que pueda fer. Pero a veces cosa funciona… Hoi en ocio fuemos ta lo Museo Reina Sofía, y no podeba dixar de pensar en las cosas que me toca fer esta semana. Dimpués de l’actividat, fué a cenar con D.D. y C.H. y me tranquilicé una miqueta.
Por la mañana, fué ta lo chimnasio, y dimpués, tomé algo con Á. y faciemos lo suyo nuevo currículo.
(Iste post ye disponible en: benasqués, cheso, semontanés.)
A ormino me dentra ansiedat y no soy capaz de poner-me tranquilo. No me cuaca miaja tenir cosas que fer y no poder quitar-me-las d’encima. Antonces, me pongo a ascuchar una grabación que me fizo l’amigo mío Á. u intento pensar que no hai cosa mas que pueda fer. Pero de vez en vez cosa funciona… Hoi en ocio fuemos t’o Museo Reina Sofía, y no podeba dexar de pensar n’as cosas que me toca fer esta semana. Dispués de l’actividat, fué a cenar con D.D. y C.H y me tranquilicé bel sinyalín.
De mañanas, fué t’o chimnasio, y dispués, tomé algo con Á. y ficiemos o nuevo currículo suyo.