Día 134
Anueite soñéi que taba faendo elevaciones l.laterales en polea ya rompíuse’l cable. Espertéi del sustu, pero en realidá foi que di cona mano na ventana. Dormí fatal.
Quedara con I. pa entrenar durante’l turnu d’Á., ya entrenemos tren superior.
Pola tarde foi un ratadín con Á. a Camarma. Punxime a currar un pouquín mientras él xugaba a la Xbox con I. Nun momentu dáu escomenzóu a poneme’l pie na cara, ya yo faía-l.ly cosquiel.las pa que me lo quitara. Espués garróume la manu dereita ya intentóu faeme una manu de vaca, ya di-l.ly na cabeza cono móvil que tenía na outra manu. Afurruñóuse muitísimu, hasta soltóume una amenaza ya tou, pero al minutu díxome que yá se-l.ly había pasáu, que s’enoxara porque se-l.ly escocía l’oyíu, que fuei onde-l.ly di. Pero entoncias you yá me punxera nerviosu ya tuve casi una hora medio apáticu ya conos güechos chorosos, echáu en posición fetal.
Después fuimos mercar pa la comida del día siguiente nel ximnasiu. Convidóume él, por ayudalu a zarrar el l.lunes pasáu. Fiximos unos burritos con carne picada, ya coyemos dous botes de salsa agria ya unu de salsa de quesu cheddar.